Kem ki pulit ya 20 tylli ki kari syad dor wa pynemkaam da ki khynnah skur

Ki pulit ka Surat, Gujarat da kem ki ya 20 tylli ki kari syad dor wa pynemkaam da ki khynnah skur hadien wa poor i Video yeiwa lai luti ki cha kawi ka lehkmen (Farewell Party) da kini ki kari wei ini i Video leh da poor bha i.

Tangwa da em won wa ong da em 3 ngut donhi kiwa dang man kam ki khynnah skur wa yah ya kini ki kari.

Ini da jia i heipor wa ka Fountainhead School da pynman ko ya ka Farewell Party hapoh ka skur neibhah wa da jan sdang ki Board Exam. Tangwa chiboon ki khynnah da wan ki da ki kari wa syad dor iwa da pynsahkut ya ki kari wei da pynthut leh yei lai i wan ki bru heiwa u sarok wa lai cha kani ka skur da sahkut u.

Hadien wa tip yeini, ki pulit ka Surat da kem ki ya 20 tylli kini ki kari wei da phah hajir leh ya 11 ngut kiwa yah kari tangwa ym pu em phah wan ya ki khynnah skur neidaw wa daw sdang noh ka Exam ki wei daw leh yeini hadien wa kut ka Exam ki.

Related posts

Chem metyap uwa kreh ka Max Cement na kawi ka Petrol Pump

May 25, 2025

Pteiñ i pynbna ka sorkar pyrdi ya ka HNLC kam ka seiñ wa pyrchah aiñ

May 25, 2025

Nieliang u Surat District Education Officer (DEO), u Bhagirath Gadhvi da pha u ya ka Notice cha ka skur yow paan pynche neibhah wym toh u pynchlur ya kam ini i kaam.

Neiliang ka skur da ong ki wym em phah pynman kam kani ka Rally lai kari wei ki bei ki pa ki khynnah hi wa wanrah ya kini ki kari khlem da chah khut ki neibhah ka skur da pynbiang ko da ka Bus tangwa ym em wa pynemkaam ka wei da ong ki leh wym em chah ki wow psiah kini ki kari chapoh ka skur.

Kini ki khynnah toh kiwa dang chong Class-XII wei da khñium ki paidbah neidaw wa joor pyneh sur ki, wa yieñ ki deiwa pynmih khlieh na ki Sunroof ki kari, kiwa pynmih yei doh i pran napoh ka yit kari wei da chah pynbaad ki leh wa rahlang ki wa ki suloi yong kyndeh.

Sa iwi leh wa da ong toh wym em yoh bor ki wow pynman ya kam kani ka Rally.