Jowai 28: Ki pulit ka Ladrymbai Police Outpost ynne ka sngi da yoh ki u kem ya arngut ki bru wa tip pyrtuid kam u Dawanmi Dkhar uwa em 25 snem i rta wa u Rin Kyndait uwa 23 snem i rta kiwa na ka chnong Tuber Kmaichnong East Jaintia, neidaw wa suba wa emkti ki hei wow tynyap dusmon ya kawi ka manbei.
Ya kani ka manbei da tip pyrtuid kam ka kong Yor Dkhar ka wa da palat 40 snem i rta kawa em leh le ngut ki khon.
Katkam ki yutip ki pulit kini ki arngut da suba wa da tynyap ki ya kani ka manbei hapoh trep wa em cha loom iwa jooh rep bha ki bru na Tuber wa lai sah miet ko chirup wa u kurim ko u ma E. Kyndait.
Kani ka manbei ha ka miet yong ka 26 tarik wa dep da lai ko cha hali chawah Ialong yow sah miet wa u kurim ko u wa chare masi ha pynthor.
Heipor kamwa 9 waje i miet da wan u pyrsa u kurim ko cha i trep wa sah ki wei da khut u ya oo wow yarap ngiat ka ka kari u kawa sih wa em ha surok wa hiar na Ialong Park wa sahkut ko.
Ini i trep em i rap jngai cha chiliang um na i thaw wa sih ka kari. Heipor wa lai pyllait u kurim ko, ka kong Yor da em ko samen ha trep weiwa heini i por da em wa wan dat wan bom ka hadooh wa da mynsoo ko. Wei da yap ko hadien kattu katni por neibor ini wa mynsoo ko.
Ki pulit ynnin i step mar ya tip yeini da lai li kit ki ya i metyap ka kong Yor na trep wei da leh ya ka Post Mortem pyn ynnin hi.
Discussion about this post