Jowai: Ki pulit ka West Jaiñtia Hills, ynnin ka sngi da yoh ki ya ka ujor na u Richard Syiemlieh pyrchah ya u Rimialson Daw hajrong i thoh u ha ka Facebook Account yong oo hi chaphang u (L) Most Rev. Dominic Jala Archbishop ka Shillong iwa da man pyrchah yei sñiaw ki khon ka Balang Catholic.
Mar yoh ya kani ka ujor, ki pulit hapoh i yahkhmat u Dy. Superintendent of Police (Hqr), Jowai u MJ Marngar da thooh tre ki ya uni u wei da kem wei da wanrah ya oo cha Jowai Police Station heiwa da takit ki leh ya oo.
Neiliang u SP ka West Jaiñtia, u Lakador Syiem da ong u wa uni u bru da tip ya oo kam u Rimialson Daw uwa 33 snem i rta na Nongjngi wei nachwa jooh kreh u kam u Pharmacist.
Da pyntip u leh wa kiwa hayung u Rimialson da kam ki wa man u uwa chitom hei bor pyrkhat wei dang em u hapyrdi i chah sumaar.
U Lakador da pyntip u leh wa neiliang ki pulit dang pynman ki ya ka takit wei da phah sylli (Medical Examination) ki ya oo ha ki bru chemphang wow pynsakhiat yei chitom u.
Heijooh i por da ong u wa ki pulit daw pynman ki yei takit hadooh wa kut.
Discussion about this post