Ki pulit ka East Khasi Hills ynnin i miet ka 6 tarik da kem ki ya uwi u bru hajrong i suba wa emkti wow tympdung Bomb IED ha Laitumkhrah ha ka 10 tarik u Naisaphra uni u snem, wei da suba leh wa ye u emkti hei wow lai booh Bomb IED hakhmat ka yung krehkaam yong ka NPP, kawa em ha Lower Lachumiere ha ka 4 tarik uni u bnai.
Katkam ka khubor wa da yoh lum da pyntip wa uwi u bru da chah rah u ha ki pulit wow takit ynnin i miet hajrong i suba emkti hei booh Bomb IED ha nongbah Shillong, wei utai u bru toh uwa na ka chnong Umphyrnai, kawa haap hapoh ka Madanrting Police Station.
Hadien wa pdung Bomb ha Laitumkhrah, ki pulit ka East Khasi Hills da kem ki ya 3 ngut ki bru hajrong i suba emkti hajrong itai i jia wa da wanrah i mynsoo ya ar ngut ki bru paidbah, wei hadooh katni ki pulit da yoh ki wow kem ya 4 ngut ki bru hajrong i suba wow booh ya u Bomb IED deiwa kem sa uwi won ynnin i miet.
