Ki pulit ka Thoubal, Manipur wa kynthup ya ki pulit hapoh i yahkhmat u OC Nongpok Sekmai wa kiwa na CDO Thoubal da kem ki ya arngut ki bru deilang wa i kiad lieh wa em 1225 liter ha kani ka 23 tarik.
Ya kini ki arngut da tip kam u Kangabam Jiten Singh (40 snem) wa u N Laitonjam Joy Singh (32 snem).
Ya i kiad da yoh kem heipor wa sylli ya ki kari kamjooh ya ki bru ha Pechi Chinglak heiwa da yoh 400 liter i kiad na u Kangabam Jiten Singh wa 825 liter na u Laitonjam Joy Singh heipor 10 waje i step.
Ha iwi tawon i kem kiad da ki pulit ka Thoubal haka jooh ka sngi wa yahkhmat da u Addl. SP deilang wa u SDPO da chem ki ya ki 4 tylli ki thaw chna kiad ha Ukhongshang Mayai Leikai.
Ki pulit da kem ki ya u Hijam Jayenta Singh (40 snem) hei yatoh wa ini.
Na kini ki thaw da yoh kem 800 liter i kiad lieh, u khoo 1000kg wa da dep pdem um, u thiat, u bhang 2kg wa kiwi ki tiar wa pynemkaam wow chna kiad.
Discussion about this post