Khana ka JSM cha u Rakkam yeiwa duna ha ki skur sorkar wei kammon wow pynbha ki

Ka Jaiñtia Students’ Movement (JSM) Western Region ynnin ka sngi da lai yachem ki wa u Montri ka chnat puræ puthi ka jylla, u Rakkam A Sangma wa u MLA ka Jowai Constituency, u Wailadmiki Shylla heipor wa wan ki cha ka Kiang Nangbah Government College.

Neiliang ka seiñ da e ko ya ka dorkhat heiyatoh wa i eh wa maad ki skur sorkar nadooh ka Kiang Nangbah Government Higher Secondary School, Government Boys Higher Secondary School waka Government Girls Higher Secondary School kiwa em ha Jowai, kamjooh leh i eh wa chem ki khynnah wa lai puræ ha kitai ki skur.

Ki mat wa kongsan wa neiliang ka JSM da pynsñiaw ko cha u Montri man ki kamni:

I dooh thaw puræ wei pep skur chiteiñ por kiwa lai puræ toh neidaw wa duna ki kamra (Classroom) kamjooh leh wa khian ki kamra iwa da pynman ya ki skur wym ye ki u pdiang chiboon ki khynnah neidaw wa khynnia.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Neidaw wa boon kiwa lai puræ katni, ym ya ryngkat de ka pyrla i puræ puthi wa saam kiwa sikai hapoh ki thaw puræ.

Neidaw wa khian ka yung namo ki School Building, pynman i ya ki khynnah wa ya ki skur wow tlot ha ki kaam puræ puthi.

Duna leh i em hapoh ki Library neibynta kiwa puræ yow thooh bniah yeiwa emkaam ki.

Duna ki kor Computer neibynta ka Practical Class neibhah kat dang lai ki snem da nang ku kiwa jied wow puræ Computer Science.

Duna ki thaw yalehke (Sports Playground) ha kini ki skur kiwa emkaam bha ha kini ki sngi.

Ym em ki Hostel neibynta kini ki skur iwa pynman ya ki khynroo wa lai puræ wow chem chitom ki heiyatoh wa ki yung wai, iwa ktah yei lai i wan khamtam ya kiwa wan na jngai.

I duna ki School Bus i wym yahaap de wa i boon kiwa lai puræ.

Neiliang ka seiñ da tyrwa ko leh yei buit kammon wow leh yow pynwiar yeini i duna kiwa man kamni ha wah:

U chna pynheh ya ki kamra kamjooh ki School Building ha kini ki skur khnang yow ye u pynbiang yeiwa emkaam u leh hapoh ki kamra skur.

U pynboon biang ya kiwa kreh nadooh kiwa sikai hadooh ki Peon wa kiwi de yow ye u pynbiang yeiwa emkaam kiwa lai puræ.

U pynbiang yei emkaam ha ka Library katkam ka juk wa katni, yow yoh ya ki kot kiwa yahaap waka juk wa katni.

U pynbiang ya ki madan yalehke yow ye ki khynnah wow sai yei sap wa kyrpang yong ki.

U pynchna da ki Hostel wa pura ha kini ki 3 tylli ki skur sorkar.

U pynboon ya ki kor Computer khnang wow yoh myntoi kiwa lai puræ.