Jowai: Ka yalang yong ka 6 Chnong Wah Lukha Association, East Jaintia Hills District kawa man haka 3 tarik uni u bnai ha ka chnong Kuliang, da rai wa ym chah de wow thang tympdung Dynamite ha Wah Lukha kamjooh ha ki thaaiñ ki chnong nadooh Sakhri, Lum Tongseng, Sonapyrdi, Shymplong, Kuliang wa Borsora wei ym chah leh wow pynyap khiar ya ki dakha ki dohum ha Wah Lukha.
Ka Association da maham joor ko wa neini cha khmat lada chem ya kiwa leh pyrchah daw pynchitom ya ki katkam ki kyndon aiñ yong ka 6 Chnong Wah Lukha Association.
Ha kani ka yalang da jied leh ya u Womsar Talang kam u President wa thymme yong ka Association uwa man leh u waheh chnong ka Borsora wei da jied ya u Puson Gympad na ka chnong Kuliang kam u Spokesperson ka Association.
Ini toh katkam ka kyrwoh wa phah da u Daiapherbha Lamare, Secretary ka 6 Chnong Wah Lukha Association.
Discussion about this post