Ka sorkar Assam ynne da khang ko ya ka Mobile Internet ha waroh kawi ka jylla da le kynta chiteiñ nadooh 10:00 waje i step hadooh 1:30 i sngi heipor wa pynman ya ka Written Exam heipor wa yaleh kreh Grade III Post.
Yeini da leh yow pyntikna wa ka thoh Exam man ko kawa khooid wei yow lait leh u mih iwon iwon i kulmar wa i leh tooh
Katkam wa pynbna ka sorkar, da em 11,23,204 ngut kiwa wan thoh Exam ha ki 2,305 tylli ki Centre ynne wei da em 429 tylli ki Centre kiwa man kam kiwa ye wow mih i kulmar heiwa da jooh em kiwa leh thok nachwa.
Da leh leh yeini yow khanglaad ya ki bru kiwa pynpoor ya ki khubor hamsaya iwa ye u yah chei kulmar.
U Montri Rangbah ka Assam, u Himanta Biswa Sarma da pyntip u wa da phah ya u Chief Secretary wow pynkhreh u ki kyndon kammon wow leh yeini yow khang ya ki Mobile Internet ki Tower wa e Network ha ki Exam Centre.
Discussion about this post