Ka DC ka East Khasi Hills heiyatoh wa i lehkmen Diwali kawa daw pynman ha ka 12 tarik uni u bnai da pyntip ko wa u chah u thang bomkala nadooh 8:00 waje i miet hadooh 10:00 waje i miet donhi ha katai ka sngi.
Ya ini da leh deiwa bood ya ka hukum wa da pynmih da ka Supreme Court heiwa ki bomkala wa dai leh toh u man ki kiwa duna i pyntngit yaka la-ær katkam ka kyndon wa da pynmih da ka Petroleum & Explosives Safety Organisation (PESO).
Da khang leh wow pyndait lang ya ki bomkala deiwa jrong ter (Series Crackers) iwa pyntngit pyntaroi wei kiwa ood bha.
Ki bomkala wa thang ymtoh u ood i pdung palat 125 dB(A1) næ 145 dB (C) pk hawa em 4 meter na i thaw wa pdung.
Da khang leh wow thnag bomkala ha ki thaw wa da pynbna kam ki Silent Zone wei toh u man 100 Meter i jngai na ki Hospital, Nursing Home, ki PHC, ki CHC ki thaw puræ, ki thaw bichaar wa ki thaw pynman niam.
Kamtæ ka DC da pynkrehkaam ko da ka Section 144 CrPC yow khang yei dai kamjooh yei thang ya ki bomkala ki wym bood ya ki kyndon, kiwa wanrah na baar ri wei da khang leh wow thang bomkala ha ki thaw paidbah wa ki luti syngkieñ wei i por wa chah u thang bomkala toh nadooh 8:00 waje i miet hadooh 10:00 waje i miet donhi ha ka 12 tarik.
Discussion about this post