Kam chibynta wow yaleh pyrchah yei poor u khñiang COVID-19, ka Dorbar Chnong Dongmihsngi, Jowai da khang pyrchah ko ya ki bru wa ki kari kiwa wan na baar chnong wow psiah ki chapoh u pood u ang ka chnong khlem da pyntip.
Da khang leh ya ki bru kiwa wan chong ke cha kdong næ kiwa noh jhep khamtam ha ki bynta ka Iaw Thymme wa ha ki bynta ka Kiang Nangbah Stadium.
Da khang leh ya kiwa na baar wow wan kreh mylla ki chapoh ka chnong nadooh wa pynmih ya kani ka khubor hadoh wa pyntip won deiwi.
Ya kiwa leh pyrchah u pynchitom katkam ki aiñ ka chnong.
I pyntip na u Waheh Chnong.
