Ka Environment Coordination Committee Elaka Sutnga, chirup wa ki pulit ka East Jaiñtia Hills District ynnin i janmiet ka 25 tarik da lai khang ki ya kawi ka karkhana Coke kawa em ha Sookilo kawa krehkaam (thang mooyong) khlem yohbor.
Hawa yaklam wa kiwa kitkaam ka ECC Sutnga da ong ki wa kani ka karkhana toh ka M/S. R.S. RETRO wei da krehkaam ko khlem yoh ya ka CTE wa ka CTO na ka sorkar.
Da ong ki wa hadien wa yoh yutip hajrong ini da pyntip ki ya ki pulit wei da lai sylli ki yeini heiwa da chem wa kini ki bru hapoh kani ka karkhana dang thang bha ki ya u mooyong wow pynmih Coke.
Chooh chooh da ong ki wa i krehkaam tooh kini ki karkhana da wanrah i yei sma ka la’ær iwa ymye chah de wot hapoh yung leh.
