Ka Election Commission of India (ECI) ynne ka sngi da pynmih hukum ko wow khang ya kiwon kiwon ki yalang wa i lai paidbah (Victory Procession) ha ka sngi niaw Vote ha ka 2 Naisan heipor wa niaw Vote wei hadien.
Ini i niaw Vote toh yong ki Election MLA ha ki san jylla wa kynthup ya ka Assam, West Bengal, Puducherry, Kerala wa Tamil Nadu.
Katkam ka hukum ka ECI da ong ko wa ha ha 2 tarik ym chah ya kiwon kiwon ki lai paidbah (Procession) hadien wa kut i ñiaw Vote wei ym chah leh wow em palat 2 ngut ki wow synraan ya u kyrtong hadien wa jop wei heipor wa chim ya ka Certificate na ki Returning Officer
Kamwow kdaw heini, ka Madras High Court ynnin ka sngi da sympat ko ya ka ECI deiwa ong wa ka ECI toh u bahkhlieh ko yei joor ka la-ær wa ar yong ka khlam COVID-19 hapoh ka ri wei ki sahep yong ka toh u pynchitom ya ki hei emkti wow tynyap bru.
