Ka Election Commission of India (ECI) ynne da pynbna ko wym chah ko la kammon kammon leh wow pynemkaam da ki khynnah ha ki kaam wa yatoh waka Election nadooh ha ki por yalap Election wa ha ki por wa pynman yei lai paidbah.
Da khang leh wow pynemkaam da ki khynnah wow kbai Election, ha ki yalang Election, u saam kot lakdop, u saam Poster wa kiwi kiwi de wei ini toh neibynta waroh ki Party kamjooh ki kyrtong.
Chooh chooh da khang leh wow rah lang wa ki khynnah ha kti, u em ki hapoh kari kiwa yatoh wa i kaam Election kamjooh leh ymtoh u yah lang wa ki khynnah hawa lai paidbah.
Da khang hadooh wow pynemkaam yei dur ki khynnah, u pynrwai da ki khynnah, u puræ ki khynnah ya iwon iwon iwa da thoh ha kiwon kiwon ki kaam wa yatoh wa u kyrtong kamjooh ka Party.
Tangwa lada em ki khynnah kiwa wan yah da ki bei ki pa chajan u bru wa em ha ki Politics lada ymtoh heipor wa pynman yalap Election ym kheiñ wa ini toh iwa tyngkheiñ kyndon.
Waroh ki Party deilang wa ki kyrtong hap ki wow bood thij yaka aiñ Child Labour (Prohibition and Regulation) Act, 1986 wa iwa pynkylla ya kani ka aiñ katkam ka Child Labour (Prohibition and Regulation) Amendment Act, 2016. Wei da em leh ka hukum da ka Bombay High Court heiyatoh wa ini kawa da pynmih haka 04-08-14 heiyatoh waka mukotduma PIL wa tip kam ka ‘Chetan Ramlal Bhutada Vs. State of Maharashtra and others’.
Lada chem ya kiwa tyngkheiñ kyndon daw pynchitom ki katkam ka aiñ.
Discussion about this post