Ha ka dorbar yong ka Elaka Nongjngi wa da pynman ynne ka sngi ha chnong Khanduli wa da emlang nadooh u Dolloi ka Elaka, u Copiousness Daw, u Secretary Elaka, u A. Pakma, u waheh chnong Khanduli, u Yooshida Nongspung wa kiwi da yaklam ki leh heiyatoh wa i arwi awra wa jia chi jia ha Khanduli.
Wei ha kani ka dorbar da chim ki leh yaka rai wym chah de u ya lai ya wan hapyrdi ki jaitbru Pnar wa ki Karbi katwa dang em i awri awra yow lait jia iwon iwon wa sñiawsih kat hadooh wow poi biang chei suk i saiñ.
Da rai leh u booh Volunteer haki thaw khappood yow pait siar ya kiwa mih wa psiah wei ya kiwa leh pyrchah ka Elaka daw leh ko yeiwa emkaam.
Kani man kam chibynta i pyrchah joor yei leh embor ki Karbi ha ki rukom waphær wapher hapoh kani ka Elaka kamjooh leh i wan booh Check Gate ka sorkar Assam ha chnong Khanduli kawa dang haap hapoh Elaka Nongjngi.
Kamtæ da kyntu ya ki paidbah kamjooh ki khon ka Elaka wow ya krehlang ki, da ban joor ki leh yaka sorkar u chimkhia ko yow pynpoi biang yei chongsuk chongsaiñ.
