Ka Byrnihat Circle ka HANM hapoh i yahkhmat u President u Ajit Makri wa u Publicity Secretary u Tishal Syngkli deilang wa ki para dkhot da lai kynra ki ya i dukan dai kiad wa dai pyrchah yaka aiñ khlem da yoh bor (Permit) naka Excise Department.
Kani ka dukan kawa da chem wa dai kiad toh kawa em hajan u surokbah Shillong-Guwahati kawa man ka dukan dai ja tangwa dai tooh wa i kiad da kawi ka kynthai ha i dor wa syad.
Da pyntip wa nyngkong hawa lai ka seiñ, kani kawa chongdai dukan ong ko wa ym em dai kiad tangwa hadien da chem yei kiad nadien ka Fridge.
Ka seiñ da chem ko ya ini ynne ka sngi Bibar kamtæ da ong wa ymtoh wow dai kiad ha kani ka sngi.
Ka seiñng ka maham ko leh ya waroh ki Wine Store wym toh u wai lane dai kiad haka sngi Bibar wa ha ki sngi Dry Day wa da booh daka sorkor wei lada chem ya kiwa leh pyrchah, ka seiñ daw khang ko chi syndon yaki dukan deiwa ong wa i toh ka jylla Christan wei hap wow burom ya ini.
Ka seiñ da khang syndon ko ya kani ka dukan wei da e por chi tayaw wow pynbiang yaki kot ki sla.
Ya i kiad wa da yoh na kani ka dukan da e cha ki pulit ka Byrnihat.
