Shillong: Ka High Court ka Meghalaya da pyntip ko wa kiwon kiwon ki jait yakhih khang chnong (Bandh) toh kiwa tyngkheiñ ya ki hok ki bru (Fundamental Rights) ki tre ri kawa da e hapoh Article 19 wa 21 ka Constitution of India, kamtæ ka High Court ka Meghalaya, hapoh i bichaar u Hon’ble Chief Justice Uma Nath Singh, Hon’ble Justice T N K Singh wa u Hon’ble Justice S R Sen, ha ka mukotduma Case No. WP(C) (SH) 127 of 2015 in Registrar General High Court of Meghalaya versus State of Meghalaya da phah ko ya waroh ki laad pathai khubor wym hoi u pynmih u pynbna ki ya kiwon ki khubor wa pyntip chaphang ki khang chnong, khang sarok wa ki rally wa khut da ki seiñ wa da khang da ka aiñ (banned outfit) kamjooh kiwi kiwi ki seiñ.
Kiwa tyngkheiñ ya kani ka hukum ka yung bichaar, daw ngat ki hapoh ka Contempt of Courts Act, wei da phah ko leh ya ka Sorkar wow leh ko yei kaam yong ka deiwa pynngat ya kiwa leh pyrchah hapoh ki kyndon ka aiñ.
Yow pynchlur ya ki paidbah yow im suk biang ki kamwa jooh khlem em i tieñ i khuslai, i syir mynsien ka High Court ka Meghalaya da phah ko ya ka Sorkar wow ebor ya ki bor District wow chim yarap ki na ki Para-Military Force kiwa em ha Shillong yow pynman ya ka Flag March yow pynwiar ya iwon iwon tieñ wa em ha i pyrkhat pyrdaiñ ki paidbah wei wow pynemkaam ya kini ki Flag March ha waroh kawi ka jylla katwa emkaam ya ki.
Ka High Court da phah ko leh ya ka sorkar Meghalaya wa ya u CEO ka Municipal Corporation, Shillong, wow phah notice cha waroh ki dukan, ki hotel, ki kari kamai wa kiwi wa neiyi i daw wym hoi u pyndam noh ya ki license yong ki wa dam ki u leh yei kaam yong ki hadien wa da pyntip wa ka Sorkar daw yada ko ya ki.
Waroh ki chnat sorkar nadooh ki yong ka sorkar pyrdi hadooh ki yong ka sorkar jylla kiwa em hapoh ka jylla u e affidavit ki heiyatoh wa katwon ngut ki bru wa wan kreh ha ka sngi wa khang chnong.
Discussion about this post