Deiwa chimkhia yei joor i em ki App wa ki Website wa booh ya ki Video khlemakor, ka sorkar India da khang ko ya ki kattu katni ki App wa ki Website deiwa phah ya ki Internet Service Provider (ISP) wow khang ya ki hapoh ka ri.
Ka Ministry of Information & Broadcasting da chem ko 25 tylli ki link wa em ki Advertisement wa booh ya ki dur wa Video khlemakor.
Kini ki App wa Website kynthup ki ya ka ALTT, ULLU, Big Shots app, Desiflix, Boomex, Navarasa Lite, Gulab app, Kangan app, Bull app, Jalva app, Wow Entertainment, Look Entertainment, Hitprime, Feneo, ShowX, Sol Talkies, Adda TV, HotX VIP, Hulchul app, MoodX, NeonX VIP, Fugi, Mojflix wa Triflicks.
Ka sorkar da chem ko wa kini ki App wa Website tyngkheiñ ki ya ki aiñ kamjooh ya ka Section 67 wa Section 67A ka Information Technology Act, 2000; ka Section 294 ka Bharatiya Nyaya Sanhita, 2023 wa ka Section 4 ka The Indecent Representation of Women (Prohibition) Act, 1986.
Discussion about this post