Khang ka KHADC ya ka M/S Unique Structure & Tower Ltd. hadien wa ujor ka HYC-SC

Jowai: Ka HYC Sohïong Circle da e khublei ko ya u Teibor Pathaw, EM wa pait ya ka chnat Labour yong ka KHADC wa ya ki pulit Enforcement yong ka KHADC heiyatoh wa i chimkhia wow khang ya ka M/S Unique Structure and Tower Limited kawa em ha Umsohïong hadien i ujor ka seiñ ha ka 24 tarik uni u bnai.

Kam wow pynkynmoo ka Company da kreh ko khlem yohbor na ka KHADC wei kiwa kreh baar jylla leh kreh ki khlem ki kot ki sla.

Ha kani ka sngi da emlang leh ki dkhot ka HYC Sohïong Circle ryngat wa ki dkhot ka HYC Nongthliew Circle.

Ka seiñ da kyntu ko leh wow chimkhia ya kiwi ki Company kiwa kreh khlem kot khlem sla hapoh u pood u ang yong ka Council.