Jowai: Ka Khasi Students Union Khliehriat Circle ynne ka sngi da la lai khang khyrdep ko ya kamwa 2 tylli ki chnat yung krehkaam ka sorkar pyrdi wa kynthup ya kawi ka Bank neidaw wym e chuti ki ynne ka sngi kawa man leh kam ka sngi lyngkhooh dap snem khlaad u Syiem Tirot Sing kawa da pynbna chuti da ka sorkar jylla.
Ki yung krehkaam wa chah khang haka KSU toh ka Post Office Khliehriat Branch, ka Post Office Lad Rymbai Branch wa ka SBI Kliehriat Branch.
“I wai ya ki yung krehkaam haka sngi kyrpang ka jaitbru pynyoo ko wa kitai ki yung krehkaam sorkar pyrdi ym em kheiñ snep ki yaka jaitbru yong i,” da ong u SS Ryngkhlem Vice President ka KSU Khliehriat Circle, “Da man ko leh kamwa tyngkheiñ burom (Insult) yaka jaitbru yong i,” da ong chooh chooh.
“I da yoo i wa haman ki sngi kyrpang ka Bri u Ynñiawtrep, barabor toh ki yung krehkaam ka sorkar pyrdi kiwa myllien wow wai ya ki yung krehkaam deiwa leh kamwa ym tip ki wa toh ka sngi chuti,” da ong u Ryngkhlem.
“Lada ki yung krehkaam kiwa na baar ym kheiñkor ki ya ki sngi kyrpang ka jaitbru, bha ya ki wow mih noh ki napoh ka Bri U Ynñiawtrep,” da pynkut u tai uwa yahkhmat ka seiñ.
Discussion about this post