Ka Dorbar Chnong Pynthorlangtein kam chibynta wow yaleh thma waka khlam COVID-19, da khang pyrchah ko u psiah u mih chapoh chnong ya kiwa na baar khlem da yoh bor naka chnong næ u waheh chnong.
Ka Dorbar Chnong da khang pyrchah ko leh ya kiwa wan khwe næ kiwa pynyap dusmon yaki doh um doh wah ha waroh chilynter ka wah Myngkjai Poh Pynthor.
Da khang leh ya kiwa wan sait that cha kani ka wah chilynter kiwa na baar chnong katwa dang yaleh pyrchah wa kani ka khlam COVID-19.
Da khang pyrchah leh yaki kari kiwa lai wa wan lyngba ka sarok National Highway 40 (E) Dawki-Amlarem-Jowai wow pynyieñ kulmar hapoh u pood u ang ka chnong khamtam ha kini ki por wa yaleh pyrchah wa kani ka kjut COVID-19.
Lada em kiwa yaleh pyrchah, ka Dorbar Chnong lane ka VDP u e ko ki cha ki bor ka aiñ ka sorkar.
Kamtæ da kyrpad ya phi ki lok kiwa na jan na jngai u ya krehlang wa ka Dorbar Chnong yow lait naka kjut khlam wei na i pynsaja ha ki bor ka aiñ.
Ka kyrwoh lyngba u Secretary VDP Pynthor Langtein, u Emonlangki oo Lipon.
Discussion about this post