Katni da sdang ku biang kiwa yoh COVID-19 ha ka ri heiwa ha ka 11-04-2021, da em palat 11.08 lak ngut kiwa dang chah ktah ha uni u khniang wei da ku syndet leh i dawa ya i dawai Injection Remdesivir wow sumaar ya ki bru wa yoh COVID-19.
Hapoh India em 7 tylli ki karkhana (Company) wa chna ya ini i Injection Remdesivir katkam ka soskular wa ka M/s. Gilead Sciences, USA kiwa ye u chna 38.80 lak Unit ha ka chi bnai.
Heiyatoh wa ini waroh, ka sorkar pyrdi da rai ko wow khang u chalan (Export) ya i Injection Remdesivir wa ki Remdesivir Active Pharmaceutical Ingredients (API) kiwa pynemkaam wow chna ya ini i dawai hadooh wa sdang duna biang kiwa chah ktah ha kani ka khlam.
Kamtæ ka sorkar pyrdi da booh kyndon ko leh ya ki karkhana wa chna ya ini i dawai wow pynyoo ha ka Website yong ki kam ya ki thaw wa booh ya ini i dawai wa kiyi wa pynlai yaw ki.
Da phah leh ya ki Drug Inspector wow lai pait ya ki Stock wa em, yow pyntikna wym em wa dai tooh, kamjooh i murieh ya kini ki dawai.
Da phah won yaka Department of Pharmaceuticals wow yaklam wa kiwa pynmih ya kini ki dawai wow pynboon yei pynmih ya ini i dawai.
