Khang ka sorkar ya 6 tylli ki karkhana ha Byrnihat 

Kam chibynta wow pynchitom ya ki karkhana wa tyngkheiñ ya ki kyndon aiñ yada mariang, ynnin ka sngi ka sorkar jylla da khang ko ya ki 6 tylli ki karkhana ha Byrnihat.

Ka Byrnihat man ko kawi na ki thaw wa boon dooh ki karkhana hapoh ka jylla kawa man leh ka thaw wa pynmih chiboon dooh i tdem wa man bih.

Ki heh ka Meghalaya State Pollution Control Board (MSPCB) chirup wa u Principal Secretary of Forest & Environment, u Sampath Kumar, ynnin da lai pait ki ya ki 10 tylli ki karkhana wow pyntikna wa bood ki ya ki kyndon aiñ yada mariang heiwa da chem wa 6 tylli na ki ym em bood ki ya kini ki kyndon.

Neiliang ka MSPCB da pynmih ko chiboon ki kyndon khamtam wow kdoh ya i rukom pynmih tdem wei lakhit na ki karkhana namo ki Particulate Matter (PM10 & PM2.5), Sulphur Dioxide (SO2), Nitrogen Dioxide (NO2) heiwa da chem wa kini ki karkhana ym biang ki ya ki Pollution Control Devices wa ki Online Continuous Emission Monitoring System (OCEMS).

Related posts

Kyntu u Conrad wym toh u pynslem yei thung ya u VC wa thymme ka NEHU

May 25, 2026

U Pastor wa chah leh pynsih ka kari toh uwa ujor pyrchah yei pynemkaam bakla ya ka poisa hapoh ka Balang: SP

May 25, 2026

Kini ki karkhana u man kiwa khang kat hadooh wa pynbiang ki yeiwa duna ki waroh.