Ka India da pteiñ ko wow khang ya i suiñbneiñ (Airspace) yong ka neibynta ki lieñsuiñ ka Pakistan hadooh ka 24 tarik u Naikhynde wei ini wan i hadien wa ka Islamabad da pynmih ko ya kamjooh ka hukum.
Pyn ar ki ri da pynmih ki ya ka Notices to Airmen (NOTAMs) wow khang ya i suiñbneiñ yong ki heiwa ka NOTAM toh kawa emkaam neibynta kiwa pynhær ya ki lieñsuiñ.
Ka India da khang ko ya i suiñbneiñ yong ka neibynta ki lieñsuiñ wa mantre næ chim wai cha ki Pakistan Airlines heiwa ki lieñsuiñ ki bru samen, ki yong paidbah wa ki yong chipai ymtoh u psiah næ lai luti ki na India nadooh ka 30 tarik u Naitung (Apr) hadien iwa jia ha Pahalgam.
Katkam ka NOTAM wa da pynmih ha ka 22 tarik uni u bnai, ka sorkar da khang ko yei suiñbneiñ ka India wow pynemkaam wei wow hær ki lieñsuiñ ka Pakistan hadooh 11:59 i miet ka 23 tarik u Naikhynde.
Discussion about this post