Khang ka Uttar Pradesh wow kdaw kiwon ki jait baam wa da pynkhreh ya ki Muslim

U Montri Rangbah ka Uttar Pradesh, u Yogi Adityanath da khang u wow kdaw ha ki mar baam deiwa thoh wa ini toh i baam wa man Halal.

Yow yoh ya ka Halal Certification neibynta ki mar baam toh yow pynyoo wa da bood ya ki aiñ niam Islam hawa pynkhreh yei baam nadooh i rukom ah doh, ki jait kchu wa pynemkam, i rukom sait, ki kor wa pynemkaam wa i rukom booh ya ki mar baam.

Kini ki baam ymtoh leh u emlang ki wa kiwon kiwon ki jait wa man pyrchah ya ka niam Islam ki wym chah u baam ki.

Neiliang ka sorkar UP da ong ko wa i em sa kam kini ki Halal Certification najrong wa da em chwa ki Certificate wa da e da ka sorkar da pynkulmar ko ya ki paidbah wei ka wym ye u pdiang katkam ka Section 89 ka aiñ Food Safety and Standards Act.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong wa du ka sorkar wa ye u pait yei miat ki baam katkam ka Section 29 kani ka aiñ.

Ini i rai ka sorkar wow khang u em ki Halal Certification ha ki baam toh hadien wa em ki ujor ha ki pulit wa kitu kiwa kam wa ki baam wa dai ki toh kiwa man Halal da chim kabu yei sñiaw yong niam yow hoi dai donhi ki wei em leh kiwa chna thok ya kini ki Halal Certificate.

Kiwa ujor da kam ki leh wa i thong toh yow pynhiar yaaw ya kitu ki wym em ya ka Halal Certification wei ini man ko pyrchah ya ka aiñ.

Kini ki Halal Certification ym du wa booh ki ha ki marbaam tangwa hadooh ki dawai, ki kor sumaar wa ki dawai pynmiat dur.

Ka sorkar da ban joor ko wa ini i biah ya ki Halal Certificate toh kawa ym em bor katkam ka aiñ, wei ym em kyndon leh wa e boor wow biah ya kini ki Certificate ha ki baam, ki dawai, ki tiar sumaar wa ki dawai pynmiat dur.

Da ong leh wa ka sorkar chim ko wa ini toh iwa chim kabu yei sñiaw yong niam ki bru wow yoh poisa wei da wanrah ko leh yei sñiaw yaphær haka imlang sahlang wei da pyndooh leh yei chaniah.

Ki seiñ wa ye u chah pynchitom deiwa khang ka sorkar wow leh yeini toh ka Jamiat Ulama-i-Hind Halal Trust kawa da kyntait yeini wa da ong ka sorkar deiwa ong wa toh iwa khlem yurim wei daw lai ki cha ka yung bichaar yeini wa da yahbakla ka sorkar.