Ki pulit ka jylla da ong ki wa da em chiboon kiwa pynemkaam Social Media kiwa booh dur wa i Video kamjooh leh kiwa pynsñiaw (Comment) wei pynpoor ya ki kaam wa man pyrchah ya ka aiñ.
Ki pulit da ong ki leh wa da em ki Social Media Group wa WhatsApp kiwa pynpoor ya i pyrtuid ki kynthai, ki khynnah kynthai wa ki khynnah kiwa chah thombor deiwa beiñ wei pynbaad toh kini kiwa chah thombor kiwa leh bakla, wei ini man i pyrchah ya ki kyndon ka aiñ.
Kamtæ da kyntu ya ki paidbah wym toh u booh ki iwon iwon i bynta iwa ye u khana yei pyrtuid yong kiwa chah thombor, lada chem ya kam kini ki bru kiwa leh pyrchah ya kini ki kyndon, daw pynchitom ya ki katkam ki kyndon ka aiñ.
Kani toh katkam ka Wyrta na u G.K. Iangrai, Asstt. Inspector General of Police (A) Meghalaya, Shillong.
