Jowai: Ki bor District ka East Garo Hills da chem ki palat 10 tylli ki paar mooyong wa pynkrehkaam pyrchah ya ka aiñ kawa em hajan ka chnong Williamnagar ha kini ki ar sngi hapoh ka Rongrenggre Reserve Forest.
U DC ka East Garo Hills da pyntip u wa da tymmoh da pyndap khyndaw ya kini ki paar mooyong ynnin ka sngi wei sñiawsih u wow yoo wa ka um Acid wa mih na kini ki paar mooyong da lai ki cha ki um wa em hapoh kani ka khloo.
Da ong u leh wa daw pynman ya ki yalang pynsñiawthooh paidbah yei maa ini i rukom tih mooyong.
Da pyntip u leh wa da chna da ka Joint Operation Team wow khang ya kiwa tih mooyong pyrchah ya ka aiñ.
Kamjooh chimkhia ki wow kem ya ki truck wa challan mooyong kiwa ym em biang ki kot ki sla.
Discussion about this post