Jwai: Ka Ministry iong ka Road Transport and Highways iong ka sorkar India lyngba ka wyrta No.25035/101/2014-RS kawa pynkrehkaam ia ka hukom ka Supreme Court ka Ri India hei iatoh wa ka mukotduma iong ka Savelife Foundation v/s Union Territory of India da e ko ki hukom yow iada iaki bru wa iarap ia ki bru wa chem ia i chitom kam ha ki iatynrah kari dei wa ym em wa ye u pchiap ia ki ha kiwon kiwon ki kyndon iong ka aiñ.
Ki hukom ka Supreme Court da khana ki kammon ki aspatal, pulit wa kiwi ki tnat sorkar wa kammom u kyrchan ki ia kini ki bru bha mynsien.
Lada em wa pyntip da ka phone cha ki pulit ia i tynrahkari, ki pulit ym ye ki u pynbor ia ki u khana ia i pyrtuit, thaw sah wa kiwi wan lada ym kwah kiwa phone u khana. Ye u pynchitom ia kiwa pynbor ia ki u pyntipmit ki ia ki.
Lada ki wa iarap ia ki wa chem chitom man ki leh kam ki nongsakhi ia i wa jia, ia ki toh u takit ki pulit du chisein dep itæ ym toh de u pynwit ia ki.
Ia ki doktor wym bien u e iarap ia ki bru wa chah tynrah u pynchitom ia ki hapoh ka aiñ Indian Medical Council (Professional Conduct, Etiquette and Ethics) Regulation, 2002.
Da hukum leh ia waroh ki aspatal u pynyoo paidbah ia waroh kini ki kyndon iong ka hukom ha ki ktien English, Hindi waki ki ktien wa klam ki bru ha ki chnong wa em ka aspital. Ia kini ki toh u wah ha ki thaw psiah iong ka aspital.
Ka aspital toh u pynche paidbah ki leh wa ym pan poisa næ ka deposit na ki bru wan booh cha aspital ia kiwa mynsoo chah tynrah.
Discussion about this post