Ki dukan yong kiwa khayi kiwa na baar jylla da khang khyrdep lut ki ynne ka sngi ha i por wa ki dkhot ka Federation of Khasi Jaintia & Garo People (FKJGP) da pynman ki yei lai paidbah namo ka Rally ha kawa da chimbynta lang leh da ki khynroo wa thooh kreh.
Ka Federation of Khasi Jaiñtia & Garo People (FKJGP) da dawa ko na ka sorkar jylla wow wanrah noh ya ka State Employment Policy wa i khooid ha i thungkaam thungjaam hapoh ka jylla. Hajrong kini ki ar tylli ki phang dawa yong ka FKJGP da pynman leh yei lai paidbah ynne ka sngi, wei kani ka lai paidbah da sdang na Motphran wei da pynkut won da ka yalang paidbah ha Madan Iewrynghep, (Fire Brigade).
Ha kani ka lai paidbah da wan chimbynta da ki spah ngut ki dkhot ka seiñ na kylleiñ ka jylla deiwa kbai ya ki sur pynrem ya ka sorkar ka wym ye wow pyndooh yei eh khamtam yong ki khynroo khyllood wa thooh kreh.
Ha kani ka Rally da sakhi leh wa kiwa boon ki dukan yong ki baar jylla da khang khyrdep lut nei tieñ ya mih i chah pynsih wa ka huri hura.
