Jowai: U waheh chnong ka Ialong da pyntip u wa kamwa jooh leh man u snem, neiliang ka Dorbar Chnong Ialong da khang pyrchah ko ya ki paidbah wow tong sasi.
Ki bnai wa khang wow tong sasi toh u Wisu (March), Naitung (April), Naisan (May), Naiynru (June), Naiyniaw (July), Naichiphaw (October) wa u Khonchonglaad (November) wei ini u krehkaam ko chi lynter ka wah Myntdu wa ki wah wa haap hapoh u pood u ang ka Dorbar Chnong Ialong.
Lada chem ya kiwa tynkheiñ ya ini, ka dorbar chnong daw pynchitom ko katkam ki kyndon wada booh da ka Dorbar Chnong.
Ka Dorbar Chnong da yooluti ko wa ki paidbah u krehlang ki wa ka chnong khnang wa i thmu yong ka chnong wow pynneh pynsah ya ki dakha wa kiwi kiwa im hapoh ka um u man ki iwa jop.
Discussion about this post