Ka chnong Panaliar Jowai dei ya kmenlang wa ka Durga Puja yong uni u snem, sñiaw toh won ko u pynkynnmoo ya kiwa boon walang neibynta i chongsuk chongchngaaiñ deiwa khang pyrchah ko wow em kiwa dai wei wa dih kiad cha ki bynta ka Pynthorwah wa em hapoh u pood u ang yong ka chnong ha ka sngi pyn-ngam um ya ka Blai ha ka 5 tarik uni u bnai nadooh i por 10:00 waje i step hadooh 7:00 waje i miet.
Ha ka yalang wa da ya chonglang u Officer In-Charge, Jowai Police Station deilang wa ka Puja Committee, neiliang u OC da ong u wa lada chem ya kiwa dai wa kiwa dih muaid cha kitai ki thaw ha katai ka sngi, chisyndon u kem ya ki.
Heijooh i por ka chnong Panaliar, kyntu ko ya ka Puja Committee wow lehkhooid dei wym hoi u noh taroi ya ki Plastic cha ki luti wa lai ki ha katai ka janmiet.
U Waheh Chnong ka Panaliar, u Riquoma Rq. Laloo deilang wa kiwa krehkaam ka chnong khut ki ya i yakrehlang yong waroh kiwa leh sñiawbha ha katai ka sngi wym hoi u pyrchah ki ya ki aiñ chnong, heiwa ki VDP chnong leh daw sonteri ki cha kitai ki thaw.
