U DC ka West Garo Hills da pynkynmoo u ya ki paidbah ka District wa i tem sur, i pynheh sur heipor miet hawa da thiah da dem ki bru da ktah i yei chait i khiah kiwa boon wei ini da man i leh i tyngkheiñ yei hok wow im dei suk kamjooh dei chait i khiah kamwa da e hapoh ka Article 21 ka riti synchaar ka ri.
Chooh chooh da ong leh wa ka Supreme Court da dep pynmih hukom ko heiyatoh wa ini ha ka 18-07-2005.
Kamtæ da khang wow choh bom, u put lane wow tem ya kiwon kiwon ki tiar tem kamjooh deiwa pynemkaam da ki Amplifier heipor miet nadooh 10:00 hadooh 6:00 waje i step.
Da khang leh wow pynemkaam tanghæng lane ki laad pynbna paidbah khlem da yohbor wei ym toh wow pynemkaam ya kini heipor 10:00 waje i miet hadooh 6:00 waje i step.
I ood i sawa ym toh u man i palat 10dB(A) wei lada i thaw iwa da man chwa iwa rap awri, ym toh wow pynemkaam ya kini ki tiar deiwa ood palat 75 dB (A).
Da khang leh wow pynkieh Horn heipor miet nadooh 10:00 waje i miet hadooh 6:00 waje i step ha ki thaw sah paidbah.
Lada toh won ha ki yung ki sem ki bru, i sur ym toh u ood i sur palat 5 dB (A) ya iwa da man chwa i thaw i bhaw.
