Khnang wow wanrah ya ka Assembly Election kawa lai bait wei wow pyndam ya i daisarom ya ki paidbah wa ki thaw samen hapoh ka District, u District Magistrate ka West Jaiñtia Hills da pynkrehkaam u ya ka Section 144 Cr.PC neibynta waroh ki kyrtong wa ki Agent yong ki kamjooh ki seiñ saiñhima.
Da khang wei ym chah wow biah Poster ha chram næ wow pynsihdur ha iwon iwon i thaw deiwa booh ya ki Banner, ki Hoarding wa kiwi kiwi ha ki thaw paidbah.
Ym chah wow thoh næ biah Poster, biah kot næ wow pynsihdur kamjooh wow booh banner wa ki Hoarding ha ki thaw ki bru samen khlem yohbor na ki tre yung wa na ka yung krehkaam u Deputy Commissioner Office.
Ym chah ya ki seiñ næ ki kyrtong wow booh Banner ki ha tymbud sarok.
Ym chah wow pynman ya ki yalang khlem yohbor na ka yung krehkaam u Deputy Commissioner wa na ki waheh chnong.
Da khang leh wow tem ya ki tanghæng namo ki PA System hapyrdi 10:00 waje i miet hadooh 6:00 waje i step.
Lada chem ya kiwa pynemkaam tanghæng khlem yohbor daw kem ya ki da ki bor sorkar.
Ymchah leh wow pynman ya ki lai paidbah khlem yohbor na ka yung krehkaam u Deputy Commissioner.
