Kam chibynta wow bood ya ka hukum wa da pynmih da u Chief Secretary ka sorkar Meghalaya (Vide letter No. FOR/CC/2/2017/915. Dt. 26/3/2022) wei wow bood ya ka hukum wa da pynmih da ka NGT (O.A N0. 172/2016), u District Magistrate ka West Jaiñtia Hills da pynkrehkaam u da ka Section 144 CrPC yow yada ya ka wah Myntdu na ki kaam wa man pyrchah aiñ wei kamjooh leh kiwa pyntingit pynjakhlia ya ka wah.
Da ong wa kiwa boon ki kaam pyrchah aiñ kam i ah dieñ, i tih moo tih chyiap na ka wah Myntdu kamjooh na rood ka wah da ktah bha i ya ka wah kamjooh i sait that wa i sait kari wot ha ki thaw wa mih ki um wa kai cha ka Myntdu.
Chooh chooh da ong i noh jhep noh khyndaw cha jan ka wah Myndu leh da nang joor i wei kini waroh da ktah joor i ya ka wah kat dang lai ki sngi.
Kamtæ da pynmih hukum wow khang yei ah dieñ ha ki bynta wa em chajan ka wah Myntdu, u tih moo tih chyiap tymbud ka wah kamjooh napoh napyrdi ka wah Myntdu.
Da khang leh wow sait that, sait kari, u neh jhep, noh jakhlia (Solid & Liquid Waste) ha ki bynta wa kai ka wah Myntdu kamjooh leh i khyndaw i ktieh wa mih nei chna sarok wow pynpoi ki cha rood ka wah kamjooh cha ka wah.
Discussion about this post