U Deputy Commissioner yong ka West Jaiñtia Hills Districtda phah u ya waroh kiwa dai dukan (Wholesaler wa Retail Traders) wa em hapoh ka District, wa toh u pynbiang ki yei em ki marbaam mardih ha yaw wa hapon ki dukan yow yada nei duna ki marbaam mardih ha District.
U DC da phah u leh ya kiwa dai wa ym toh u dai tam ki ya i dor wa da booh lane murieh yaki marbaam mardih.
Lada em kiwon kiwon kiwa dai ya ki marbaam kiwa sih kam u khoo, chini, dai, phniang baam wa kiwi de khamtam u khoo Plastic kamwa da mih khubor, daw pynchitom ya ki katkam ka aiñ. Kamjooh lada ki Wholesaler chem ki wa u khoo uwa yoh ki man u uwa sih, hap ki wow pyntip khlem pep cha ka yung krehkaam u Deputy Commissioner (Supply), Jowai.
Ki tre dukan toh u pait ki wa kiwa wan thied ha ki dukan yong ki toh u deiñ ki ya ki Mask wei wow jngai uwi na uwi kamwa 2 meter. Ki tre dukan toh leh u booh ki ya ki Hand Sanitizer ha ki dukan. Ki wym bood wei ki wym kohngooh yeiwa phah u Deputy Commissioner, ym toh u chah wow psiah ki cha dukan.
Lada chem ya kiwa leh pyrchah, daw pynchitom ya ki katkam ki kydon yong ka aiñ Essential Commodities Act, 1995 wa Section 188 yong ka Indian Penal Code.
