Ka thaaiñ Champai ka Mizoram da maad biang ko yei khih khmi heiwa ha kani ka kynti da khih uwa khlan bor 4.4 haka Richter Scale Earthquake uwa da khih heipor 2:18 ynne i step synyaw.
Katkam ka yukheiñ ka National Centre for Seismology, uni u khmi toh uwa sdang na i thaw wa em 25 Km na Champai iwa da em khappood waka Myanmar wei uwa yillu 55 Km chapoh khyndaw.
Ya uni u khmi da sñiaw cha ki jylla wa chajan kam ka Manipur waka Tripura wei hadooh wa pynmih yaka khubor ym em yoh yutip wa em iwa jia wa sñiawsih na uni u khmi.
Kam wow pynkynmoo wa ha u snem 2020 du ha ki le tayaw nadooh u Naiynru hadooh u Naiynñiaw da khih khmi 8 sien ha thaaiñ Champai ka Mizoram.
