U khmi wa rap joor ya uwa khih ynnin uwa sdang na Mizoram, da khih biang biang ynne i step heipor 04:10 uwa khlanbor 5.3 haka Richter Scale.
I thaw wa sdang uni u khmi toh na Champai District ka Mizoram katkam wa pyntip daka National Centre for Seismology wei uni u khmi toh uwa yillu 20 Km chapoh khyndaw.
Uni u khmi da ktah u yaki yung ki sem kiwa da piah i chram wei kamjooh leh da em ki sarok kiwa kaad tangwa hadooh katwon wa chah ktah lane wa em kiwa mynsoo ym tu tip hadooh wa pynmih ya kani ka khubor.
Neiliang u montri rangbahdooh ka ri u Narandra Modi da yaklam u wa u montri rangbah ka jylla Mizoram u Zoramthanga deiwa pyntip wa ka sorkar pyrdi u e ko ya waroh ki jait yarap.
Ya uni u khmi da sñiaw leh cha kiwi ki jylla kam Meghalaya, Assam, Nagaland wa Tripura wei kamjooh cha Bangladesh wa cha Myanmar.
