U khmi wa khlanbor 4.0 haka Richter da khih u ha Manipur hajan Ukhrul ynne i step ka sngi Bibar heiwa ym em iwon iwon i chah ktah ki yung ki sem lane ki luti ki syngkieñ.
Ya ini da pynbna leh daka National Centre for Seismology (NCS), wa uni u khmi da khih u heipor 11:24 i step wei yillu u 60 Km chapoh khyndaw wei da sdang u ha i thaw wa jngai 22 Km na Ukhrul, Manipur.
Ha iwi tawon i jia, u khmi wa khlanbor 3.9 haka Richter Scale da khih u ha Tura, Meghalaya Tura uwa yillu 6 km chapoh khyndaw wei i thaw wa sdang u toh iwa jngai 35 Km na Tura, da khih u heipor 12:24 pyrdi sngi.
Kam wow pynkynmoo wa haka 22 tarik uni u bnai, u khmi wa khlanbor 5.3 haka Richter Scale da khih u ha Mizoram, uwa da pynsih pynpra ya kiwa boon ki yung wa kynthup yaka yungmane hapoh ka Champhai District.
