Khih khmi le sien uwi hadien uwi ha Assam

Ka National Center for Seismology ka sorkar India da pyntip ko wa da khih khmi le sien ha Assam uwi hadien uwi ynne i janmiet.

Nyngkong da khih u khmi wa khlanbor 5.8 ha ka Richter Scale uwa yillu 5 Km chapoh khyndaw uwa sdang na Udalguri, Assam (iwa jngai kamwa 54 Km na Tezpur) uwa da khih heipor 4:41 ynne i janmiet.

Uni u khmi wa rap joor da ktah u leh malu mala ya ki yung ki sem wa em ha ki thaw wa chajan wa joor u ha Assam kam ha Tezpur heiwa da em ki yung wa kaad ki chram yung wei da em leh ki saad yung wa haap.

Da sñiaw leh ya uni u khmi ha Meghalaya, Manipur, Mizoram, Tripura, Arunachal Pradesh, Sikkim, Butan, Myanmar, Nepal, Bangladesh wa Tibet.

Hadien uni heipor kamwa 4:58 da khih khmi biang uwa khlanbor 3.1 uwa yillu 5 Km chapoh khyndaw uwa sdang na Udalguri hi. Wei ya uni da sñiaw ha ki bynta ka Assam wa khappood ka jylla wa ka Bhutan wa Arunachal Pradesh.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026

Heipor 5:21 da khih biang sa uwi u khmi wa khlanbor 2.9 uwa yilli 5 Km chapoh khyndaw wei i thaw sdang toh na Sontipur, Assam. Ya uni u khmi da sñiaw ha Assam wa ki thaw khappood ka jylla wa ka Bhutan wa Arunachal Pradesh.

Hadooh wa pynmih ya kani ka khubor ym pu tip lada em i chah ktah deiwa joor næ iwa jia wa sñiawsih na ini wa khih khmi.