Jowai : Khih khmi ynne i step heipor kamwa 4:30 waje i step. Katkam ki khubor wa da yoh da thaw ya uni u khmi hadooh 6.8 ha u Richter scale weiwa i tre wa khih uni u khmi (epicentre) toh na ka sor Imphal, Manipur weiwa da neh u chibet chipor weiwa yillu (depth) u hadooh kamwa 10 km chapoh khyndaw.
Uni u khmi da pyntieñ u ya kiwa boon ki paidbah ha chnong Jowai neibhah i por wa neh slem u da pynkhyrngiat wei da pyntieñ u ya kiwa boon hadooh wa hap mih ki cha lait.
Katkam Geological Survey da ong wa ya uni u khmi da sniaw chadooh Sylhet, Bangladesh; Shillong, Meghalaya, Aizawl, Mizoram, Sikkim, Myanmar, wat chadooh cha sorbah Dhaka ha Bangladesh, wa kiwi kiwi ki thaw.
Da yoh khubor leh wa em ki yung wa oor hapoh ka jylla Manipur khamtam ha Imphal neidaw uni u khmi.
Hadooh wa thoh ya kani ka khubor ym pu tip yeiwa jia sniawsih na uni u khmi.
(update)
Kamwa yoh ya ki khubor thymme da tip wa da em hadooh le ngut ki wa yap wei da palat 30 ngut ki wa mynsoo.
Discussion about this post