Jowai: Ynne i step ka 6 tarik heipor kamwa 5:46 da khih u khmi ya uwa da thaw wa em i bor 5.3 ha u Richter Scale.
I tre uni u khmi toh na khappood ka ri India wa Myanmar na ki thaiñ Arunachal Pradesh wei i tre wa yillu u toh kamwa 30 Km.
Ya uni u khmi da sñiaw chadooh cha jylla Manipur, Nagaland, Mizoram, Assam wa kiwi kiwi kamjooh leh ha Meghalaya.
U khmi da khih biang u heipor 11:12 waje i miet ka 5 tarik heiwa da kynjoh i bor u hadooh kamwa 5.0 ha u Richter Scale wei i tre yong oo toh na Manipur ha khappood ka ri India wa ka Myanmar wei i yillu uni u khmi heini i por toh kamwa 84 Km.
Hadooh wa pynmih ya kani ka khubor ympu tip wa em iwon iwon i jia wa sñiawsih ha iwon iwon i thaw.
Discussion about this post