Hadien wa khih u khmi wa rap khlanbor 5.4 ha ka 14 tarik uni u bnai, ynne won heipor 8:50 i miet, ka National Center for Seismology da pyntip ko wa da khih u khmi wa khlanbor 4.4 ha ka Richter Scale uwa da sdang na West Karbi Anglong, Assam.
Uni u khmi toh uwa yillu 10 Km chapoh khyndaw wei da sñiaw ya oo leh ha Meghalaya ha ki District ka Khasi Hills, Jaiñtia Hills wa Ri-Bhoi District wa malu mala ha ki kattu katni ki bynta ka Arunachal Pradesh, Nagaland, Manipur wa cha ri Bhutan.
Ka National Centre for Seismology da pyntip ko leh wa ha ka 17 tarik uni u bnai leh da khih u khmi wa khlanbor 3.4 uwa da sdang na Eastern West Khasi Hills uwa yillu 10 Km chapoh khyndaw uwa da sñiaw ha kiwa boon ki bynta ka Khasi Hills, Garo Hills wa ki khappood ka Assam wa Meghalaya.
Discussion about this post