U khmi wa khlanbor hadooh 7.5 ha ka Richter Scale da khih u ynne i janmiet ka sngi nyngkong u snem thymme ha ki bynta sepsngi ka ri Japan hadooh wa da phah ya ki paidbah wow yut ki na yung ki neidaw wa ye u wan ka Tsunami wa joor.
Ini da jia i heipor 4:10 i por Japan heiwa uni u khmi toh uwa yillu 10 Km chapoh khyndaw wei i thaw wa sdang u toh iwa jngai kamwa 42 Km na ka chnong Anamizu iwa em ha rood duriaw.
Ka um wa heh namo ki Waves da sdang ki wow poi cha khyndaw du hadien 10 minit wa khih uni u khmi kiwa da poi nyngkong haka chnong Wajima kiwa jrong 1.2 Meter heipor 4:21.
I bor uni u khmi da tympra u leh ya kiwa boon ki yung ki sem wei da kaad leh ki sarok.
Hapoh ka Ishikawa Prefecture da em palat 32,500 tylli ki yung kiwa da dooh bordiñ wei kamjooh leh boon ki yung da iñ ki.
Ki paidbah kiwa da yut ym tip de mynnu u hoi u liwan deiwa khuslai boi ya khih biang u khmi.
Discussion about this post