Jowai : Ynne i step heipor kamwa 7:27 waje da khih u khmi uwa neh du chibet chipor ha ki bynta ka thaiñ mihsngi ka ri India.
Katkam ka Meteorological Department, i tre (epicentre) uni u khmi toh na West Khasi Hills, yillu u kamwa 10 km wei da thaw ya oo 4.2 ha ka Richter Scale.
Ya uni u khmi da sñiaw leh ha kiwi tawan ki jylla ka thaiñ mihsngi ka ri India wa cha jan ka ri Bangladesh. Na uni u khmi ym em iwon iwon i jia wa sñiawsih.
Katkam ka Earthquaketrack da ong wa ha ka 24 kynta wa da lai da khih 94 tylli ki khmi wa khian bor ha kylleiñ ka pyrthai.
U khmi uwa joor dooh hapoh ki 24 kynta da khih u ha Papua New Guinea ya uwa da thaw hadooh 6.1 ha u Richter Scale.
Discussion about this post