Jowai: Ynnin ka 29 tarik heipor kamwa 7:30 i miet da em i pdung kawi ka charak ha yung chet-ja i yung ka Rapkmen Suiam ha chnong Chutwakhu Sarhen, Laskein C&RD Block, West Jaiñtia Hills.
Ha ini i jia ka khon ka Rapkmen kawa tip kam ka Daiowbiang Suiam wa dang 3 snem da khlaad ko wei da mynsoo soo ngut ki bru wa kynthup ya ka Rapkmen, u Borsing Tyngkan (u kurim), ka Rime Suiam (15 snem) wa ka Meda Suiam (17 snem) ki khon.
Ya kini kiwa mynsoo da kit cha Civil Hospital Ialong, heiwa ka Rapkmen da khlaad noh ko ynne ka sngi katwa ya u Borsing da pynkit noh cha ICU ka Nazareth Hospital.
Discussion about this post