Khlaad 3 ngut ha i tyrrah kari hapoh ka jylla

Jowai: Katkam wa pyntip ki pulit, ha ka 22 tarik uni u bnai heipor 7:10 i step, kawi ka truck wa em ya u number NL-01Q-0578 wa yah da u Mehaboob Khan da kylla ko ha Umsning By-pass Road (RB). Ha ini wa jia uwa yah da mynsoo u wei da kit ya oo cha CHC Umsning yow yoh sumaar u.

Haka 21 tarik heipor 5 waje i miet kawi ka kari Maruti Van wa em ya u number ML-10-8239 da tyrrah kari ko ha Lumdiengngan, Shillong By-pass Road (RB). Ha ini i jia 11 ngut kiwa em hapoh ka mynsoo ki wei da kit ya ki cha CHC Bhoirymbong yow yoh ki yei sumaar.

Haka 20 tarik heipor kamwa 3:30 i miet da em i ya tyrrah kari hapyrdi kawi ka truck Dumper wa em ya u number AS-25BC-9625 wa kawi ka Scooty wa em ya u number AS-01-DV-7827 wa yah da u Subrodip Dev (20 snem) ha 8th Mile, Khanapara (RB). Ha ini wa jia uwa yah Scooty da khlaad u pyn ha ini i thaw wa jia katwa uwa chong hadien da kit ya oo cha GNRC, Guwahati yow yoh yei sumaar. Ya i metyap da kit cha Civil Hospital, Nongpoh yow pyndep ya ka Post Mortem. Uwa yah ya ka truck da yut u na ini i thaw wa jia.

Haka 16 tarik u Pillan T Sangma na Pynthorumkhrah, Shillong da ujor wa heipor 8:45 i miet wa ka Scooty wa em ya u number ML-10A-1073 wa yah da u Sanjay Sukula da tyrrah u oo wei da yut u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Haka 22 tarik hei janmiet kawi ka thuk thuk wa em number ML-08F-2498 wa yah da u Headwil N Marak (19 snem), da em u hei chah tyrrah kari ha Ghatuagaon (WGH). Uwa yah da kit ya oo cha Civil Hospital, Tura heiwa da khlaad noh u.

Haka 24 tarik heipor 10 waje i miet ka thuk thuk wa em ya u number ML-09-9675 wa yah da u Ryan Ch Marak (32 snem) da ya tyrrah ko wa kawi ka kari Mahindra pick-up kawa ym tip number ha thaaiñ Damalgre (SWGH). Uwa yah thuk thuk da mynsoo u katwa ka kari Mahindra pick-up da yut ko na ini i thaw wa jia.

Haka 21 tarik kawi ka Maruti Car wa em ya u number ML-05H-5662 wa yah da u Binward D Sangma da tyrrah ko ya kawi ka kari Tata Sumo wa em ya u number AS-01DD-6086 wa yah da u Henrie Areng (45 snem) ha Samanda Forest Gate (EGH). Ha ini i jia u Grasar R Marak (25 snem) da khlaad u pyn ha ini i thaw wa jia wei da mynsoo soo ngut.