Kawi ka Truck kawa em ya u Number ML-05G-9528 da noh ko chapoh riat ha laad Mawkhap ha u sarokbah NH40 na Shillong cha Dawki.
Ha ini i jia da em 3 ngut ki bru kiwa chong ha katai ka Truck kiwa da khlaad noh katwa 2 ngut kiwi won da mynsoo ki. Katkam ka khubor wa da yoh lum, da khana wa katai ka Truck da noh ko chapoh riat ynnin i miet, wei neiliang ki pulit mar ya tip ki da lai ki wow sai ya ki bru kiwa sahkut hapoh ka kari.
Da khana leh wa da tip ya ini wa jia hadien wa uwi na kiwa lait im da paar u chadooh sarok yow pyntip ya itai wa jia.
Katkam ka khubor na u Superintendent of Police ka East Khasi Hills, da khana wa wa i daw wa jia itai toh neidaw wym krehkaam de u Brake yong katai ka Truck.
Da khana leh wa katai ka Truck toh kawa mih na Pynursla yow lai cha Laitlyngkot wei katai ka Truck toh kawa kit mooid.
Discussion about this post