Ka DC ka East Khasi Hills da pyntip ko wa neidaw wa joor u slap da em 13 tylli ki sarok hapoh ka District wa chah ktah nei oor khyndaw wei da em soo ngut kiwa da dooh yei mynsien ynne i step hadien wa ban i ktieh wa i khyndaw wa rah ka um-slap yei yung wa sah ki.
Kiwa khlaad toh kiwa sah ha chnong Laitlarem wa em hapoh ka Mawphlang C&RD Block wei da jia i heipor 10:00 waje i step wei yeini da tip heipor kamwa 1:00 waje i sngi wei da lai u BDO, ki bru ka PWD, u Doctor wa ki pulit cha ini i thaw.
Manda poi ha ini i thaw da chem wa le ngut ki khynnah da dooh ki yei mynsien pyn ha i thaw wa jia katwa iwi na kini ki khynnah da kit cha CHC tangwa da khlaad noh i ha luti.
Kiwa khlaad da tip kam u Wallambiang Kharmyndai (9 snem), u Banlumlang Kharmyndai (6 snem), ka Ribhalin Kharmyndai (4 snem) wa ka Daphilari Kharmyndai (8 snem).
Da em leh ar ngut kiwa mynsoo kiwa tip kam u Nikstanlang Jyrwa (36 snem) wa u Banteilang Kharmyndai (12 snem) kiwa dang chah sumaar ha Mawphlang CHC.
Ki sarok kiwa da chah ktah hapoh ka District man ki kamni ha wah:
