U DC ka West Garo Hills District da pyntip u wa i chlai um hapoh ki 3 tylli ki Block ka District da ktah ko ya 30,406 tylli ki manyung ha ki 175 tylli ki chnong wei kam chibynta wow yarap, da saam um, saam baam hadooh ki baam yaki khonboo kiwa chah ktah.
Da phah leh ya waroh ki chnat sorkar wow yarap ki nadooh ki BDO, ki Doctor kamjooh ki wakreh haka chnat i chait i khiah, ki wakreh Anganwadi, ki pulit wa kiwi kiwi.
Da chna leh ya 22 tylli ki thaw sah wa chipor heiwa da wan leh ki bru ka SDRF, Fire & Emergency Services yow e yei yarap.
U DC da kyntu u leh ya kiwa yahkhmat chnong wow wan ki chakhmat wow e yei yarap deiwa kynmoo leh yaki kyndon wow yada na u COVID-19.
Ha ini i chlai um, da dooh yei mynsien ki 4 ngut ki khynnah wa kawi ka bru heiwa u DC da pyntip u wa ka sorkar daw su ko yaka bait lutsan cha kiwa hayung ki.
Ha iwi tawon i liang da pyntip u wa ynne ka sngi da em 2 ngut ki bru paidbah ka District kiwa wan na Bihar wa uwi u bru chipai kiwa da yoh COVID-19 wei kini toh kiwa da em chwa hapoh Quarantine nadooh wa liwan ki chapoh ka jylla.
Wa kini, kiwa dang em ya u COVID-19 hapoh ka District da em ki 13 ngut heiwa 11 ngut toh kiwa da Test ha Tura katwa ki 2 ngut toh kiwa Test ha Assam tangwa katni da em ki hapoh ka District.
