Jowai: Katkam wa pyntip ki pulit, haka 10 tarik uni u bnai ka wi ka kari Chevrolet wa em ya u number ML-05J-0349 wa yah da u Md. Zashizal Hoque (49 snem) da tyrrah ko cha rood sarok ha i thaw wa em ha chnong Chillipara, SWGH. Ha ini iwa jia uwa yah da khlaad pyn ha ini i thaw wa jia katwa ka khon u kawa dang 13 snem da mynsoo joor ko wei da kit ya ka cha Civil Hospital, Tura.
Haka jooh biang ka sngi heipor 9:30 i step ka wi ka kari Maruti Alto kawa em ya u number AS-01BL-0167 wa yah da u Basudeo Ray (52 snem) da tyrrah ko ya uwi u khynnah uwa dang 7 snem uwa tip kam u Luckystar Lyngkhoi ha Umbang (RB). Ya uwa chah tyrrah da kit ya oo cha Nazareth Hospital, Shillong.
Haka 9 tarik won heipor 2 waje i sngi ka wi ka thuk thuk wa em ya u number ML-08F-2211 da oor ko heipor wa yah ha chnong Chibinang, WGH heiwa uwa chong hadien da mynsoo joor u wei da kit ya oo cha Civil Hospital Tura, tangwa da khlaad noh u .
Haka jooh ka sngi heipor 2:30 i sngi kawi ka kari Hyundai i-10 kawa em ya u number ML-05R-7770 da ya tyrrah ko wa kawi ka kari Maruti Brezza kawa em ya u number ML-06-9907 ha Nongtraw Bypass Road (RB). Ha ini i jia uwi wa em hapoh ka Hyundai i-10 da mynsoo joor katwa kiwa yah kari da mynsoo ki malu mala.
Haka 12 tarik ha Umtyra ha u sarok bah NH-6 ha i bynta wa em ha EJH da ya tyrrah ar tylli ki truck wa em ya u number AS-01-BC-7391 wa yah da u Jugal Jamatia wa kawi ka truck wa em ya u number TR-01S-1723 wa yah da u Md. Faharul Alom Barbhuiya. Ya kiwa yah truck da kit cha CHC Khliehriat yow yoh ya i sumaar tangwa waroh ar da khlaad noh ki.
Ha ka 14 tarik uni u bnai ka wi ka kari Bolero Pick-up wa em ya u number ML-08C-5824 da em ki haka tyrrah kari ha Buga Dongram (SGH). Ha ini i jia u Kritson Ch Sangma da khlaad u ha i thaw wa jia.
Haka 15 tarik won heipor 12:50 i sngi da em i chah tyrrah kari hajan ka HDFC Bank, Hawakhana, Tura (WGH) heiwa u Sanjoy Rishi da khlaad u pyn ha i thaw wa jia. Ya i metyap da pynkit cha Civil Hospital, Tura yow leh ya iwa emkaam.
Discussion about this post