Khlaad 8 ngut deilang wa iwi i khynnah hadien wa kop diñ ka kari waka Dumper

Phra ngut ki bru wa kynthup ya iwi i khynnah khian da khlaad ki hadien wa iñ ka kari wa chong ki neidaw wa ya tyrrah wa kawi ka Truck Dumper iwa da jia ynnin i miet ha u sarokbah Bareilly-Nainital Highway ha Uttar Pradesh wei ki ar ngut wa em hapoh ka Dumper leh da mynsoo joor ki neidaw wa kani ka kari leh da kop diñ ko.

Katkam wa khana kiwa sakhi, kawi ka Tyre kani ka kari Ertiga da pdung ko heipor wa dang lai iwa pynman ya kani ka kari wow lai tyrrah ko wa kani ka Truck Dumper kawa wan neiliang Uttarakhand.

Kiwa sakhi da khana ki leh wa hadien wa ya tyrrah da em leh sa i pdung wa ood bha wei da sdang i diñ wow baam ya kini ki ar tylli ki kari.

Ki pulit da poi ki wut-wut ha ini i thaw deilang wa ki kari tympleh diñ wei neidaw wa ki dwar kani ka kari man ki kawa da khang napoh kamjooh wa da joor i diñ, ym em ye ki paidbah leh u sai ya ki wei da khlaad noh ki waroh nei chah thang hei diñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024